Home

Gobièrnu di Kòrsou ta yama bo bonbiní riba e wèpsait ofisial konserní ku e kampaña di publisidat rondó di e Maneho di Koriente nobo.

Manera kisas ya bo sa, dia 16 di febrüari 2011 gobièrnu di Kòrsou a formulá e “Nota di Maneho Regulashon di Suministro di Koriente Kòrsou 2011-2015”. Den e nota di maneho aki tin e vishon i e intenshon di gobièrnu riba tereno di suministro di koriente den nos pais.

Pa medio di e página di wèpsait aki gobièrnu di Kòrsou ta informá tur hende en general i e siudadanonan di Kòrsou en partikular tokante e Maneho di Koriente nobo. Tambe gobièrnu ta yuda bo pa trata ku koriente di manera mas efisiente i konsiente. Alabes gobièrnu ta stimulá e uso di koriente produsí for di fuentenan duradero, manera solo i bientu. Konseho di Minister a stipulá e “Nota di Maneho Suministro di Koriente Duradero riba Eskala Chikí Kòrsou” riba 16 di novèmber 2011 i riba 23 di novèmber 2011 a stipulá e tarifanan pa suministro bèk di koriente produsí den forma duradero i riba eskala chikitu.

Klek riba un di e diferente tópikonan riba e menú pa lesa kon bo por hasi esaki i dikon esaki ta asina importante.

Gobièrnu di Kòrsou, ta konta ku bo koperashon pa hasi di Kòrsou un isla ku ta anda den un forma hopi konsiente ku koriente i ku alabes ta realisá ku su futuro berdadero ta ku energia duradero!